“Yashil makon”: JIB Shayxontohur tuman sudida daraxt va ko‘chatlar ekildi

Xabaringiz bor, davlatimiz rahbari tashabbusi bilan amalga oshirilayotgan “Yashil makon” umummilliy loyihasi doirasidagi yurtimizning turli hududlarida obodonlashtirish, ko‘kalamzorlashtirish ishlari jadallik bilan davom etyapti. Shunday manzillardan yana biri Jinoyat ishlari bo‘yicha Shayxontohur tuman sudi bo‘ldi. Bu haqda Toshkent shahar sudi matbuot xizmati xabar qildi.

Jinoyat ishlari bo‘yicha Shayxontohur tuman sudi hududidagi bo‘sh yerlar nazardan chetda qoldirilmadi. Tuman sudi raisi Tolibjon Obidov, sudyalar va sud xodimlari ushbu bo‘sh yerlarga ko‘z o‘ngimizda qishin-yozin yashil manzara kasb etadigan 21 tup archa daraxti, 2 tup palma, 25 tup yashil bargli izgirid va boshqa turdagi ekinlar ekishdi.

Hududlarni obod manzillarga aylantirish yo‘lida olib borilayotgan bu kabi ishlar ekologik muvozanatni ta’minlashga xizmat qilyapti. Shu bois hozirgi vaqtda “Yashil Makon” dasturi ijrosi davom ettirilmoqda.