Ruslar "jodugarlar to‘dasi"ni masxara qilmoqda

Rossiyaning sobiq prezidenti Dmitriy Medvedev X ijtimoiy tarmog‘ida London sammitini "uyatli manzara" deb atadi.

Hozirda Rossiya Xavfsizlik kengashi raisi o‘rinbosari lavozimida ishlaydigan Medvedev bu yig‘inni "Kiyevdagi nasist hech kimsalarga sodiqlik qasamini ichish uchun yig‘ilgan jodugarlar to‘dasi" deb ta’rifladi.

Rossiya parlamentining a’zosi Konstantin Kosachev Londondagi Ukraina muzokaralarining natijasini "Buyuk Britaniya va yaqingacha AQSh tomonidan o‘n yil davomida Ukrainani Rossiyaga qarshi gij-gijlash siyosatining muvaffaqiyatsizligini g‘alaba sifatida ko‘rsatishga bo‘lgan nochor urinish" deb masxaraladi.

"Evropaning hech qanday rejasi yo‘q," deya Telegramda yozdi Rossiya parlamentining yuqori palatasi tashqi ishlar qo‘mitasi raisi Kosachev.

"Agar Ukraina biror narsaga umid qilishi kerak bo‘lsa, u faqat Rossiya-Amerika munosabatlaridagi rivojlanish (agar shunday bo‘lsa) bo‘lishi mumkin," deya qo‘shib qo‘ydi u.