Yaponiyada ayiqlarga qarshi kurashish uchun harbiylar jalb qilindi

5 noyabr, chorshanba kuni Yaponiya hukumati ayiq oviga yordam berish uchun mamlakat shimoliga qo‘shinlarini joylashtirdi. Bu mahalliy rasmiylar qamalda qolgan jamoalar ayiqlar hujumining misli ko‘rilmagan to‘lqiniga dosh berishga qiynalayotganini aytganidan keyin yuz berdi, deb xabar beradi Reuters.

Ov ayiqlarni ko‘rish keskin ko‘paygan o‘rmonli tog‘lar orasida joylashgan kichik Kazuno shahrida boshlandi. Bir necha hafta davomida aholidan oziq-ovqat izlab uylar yaqinida to‘planadigan hayvonlar bilan uchrashmaslik uchun zich o‘rmonlardan qochish va qorong‘i tushgandan keyin uyda qolish tavsiya qilingan.

"O‘z-o‘zini mudofaa kuchlarining yordami vaqtinchalik bo‘lsa ham, bu katta yengillik. Ilgari ayiqlar shovqin eshitganida qochib ketadi deb o‘ylardim, endi esa ular sizga yaqinlashayapti. Ular chindan ham qo‘rqinchli hayvonlar", - deydi shaharning ayiqlarni nazorat qilish boshqarmasi boshlig‘i Yasuxiro Kitakata.

Yaponiya Atrof-muhit vazirligi ma’lumotlariga ko‘ra, aprel oyidan beri mamlakat bo‘ylab ayiqlarning 100 dan ortiq hujumi sodir bo‘lgan, natijada 12 kishi halok bo‘lgan. Ushbu hodisalarning uchdan ikki qismi Kazuno shahri joylashgan Akita prefekturasida va unga yaqin joylashgan Ivateda sodir bo‘lgan.

Akita ma’muriyatining xabar berishicha, ayiqlar soni 2025 yilda olti baravar ko‘payib, 8,000 dan oshgan, bu gubernatorni o‘tgan hafta o‘zini o‘zi mudofaa qilish kuchlaridan yordam so‘rashga undagan.