Yaponiya, Janubiy Koreya va Xitoy besh yildan beri ilk bor iqtisodiy muloqot o‘tkazdi

Yaponiya, Janubiy Koreya va Xitoy besh yildan beri ilk bor iqtisodiy muloqot o‘tkazdi: ular Trampning bojxona tariflariga tayyorgarlik ko‘rmoqda.

Bu haqida Reuters xabar berdi.

Agentlikning uch davlat qo‘shma bayonotiga tayanib xabar berishicha, mamlakatlar savdo vazirlari Yaponiya, Janubiy Koreya va Xitoy o‘rtasida erkin savdo bo‘yicha har tomonlama yuqori darajadagi muzokaralar o‘tkazish uchun yaqindan hamkorlik qilishga kelishib olgan. Ushbu kelishuv mintaqaviy va global savdoni rivojlantirishga qaratilgan.

Reuters'ga ko‘ra, Pekin, Seul va Tokio Vashingtonning asosiy savdo hamkorlari sanaladi, biroq faqat Janubiy Koreya va Yaponiya Qo‘shma Shtatlarning siyosiy ittifoqchilari hisoblanadi.

Eslatib o‘tamiz, bugun Donald Tramp dunyoning barcha davlatlaridan import qilinadigan mahsulotlarga boj joriy etishini e’lon qilgan edi.