Yangi Toshkentning maydoni Manxetten yoki ikkita Parij bilan teng bo‘ladi

Bu haqda qurilish sanoatiga bag‘ishlangan xalqaro konferensiyada Business Consulting Group kompaniyasi direktori Pavel Zolotaryov ma’lum qildi.

U shuningdek, Markaziy Osiyoda Yangi Toshkent kabi 8 ta yangi shahar barpo etish rejalashtirilgani va ular 10–20 yil ichida bitib qolishini qo‘shimcha qildi.

Shuningdek, Yangi Toshkentda dunyodagi eng baland favvora paydo bo‘ladi. Uning balandligi 232 metrga yetadi va ochilishi shu yil avgust oyiga rejalashtirilgan.

Ma’lum qilinishicha, Yangi Toshkentning ilk aholisi shu yil dekabr oyida ko‘chib o‘tishi mumkin.

Birinchi navbatda og‘ir hayotiy vaziyatga tushganlar hamda ma’muriy binolari Yangi Toshkentga ko‘chiriladigan davlat tashkilotlari xodimlari joylashtiriladi.

Bu haqda “Yangi Toshkent” direksiyasi departamenti boshlig‘i Azizbek Omonov ma’lum qildi.