Xitoy Yevropa Ittifoqi bilan barcha darajalarda muloqot qilish va hamkorlikni mustahkamlashga tayyor, dedi Xitoy Tashqi ishlar vazirligi rasmiy vakili Mao Ning.
"Biz YEI bilan barcha darajalarda va barcha sohalarda muloqot va hamkorlikni mustahkamlashga tayyormiz," - deya uning so‘zlarini keltiradi RIA Novosti.
Diplomatning so‘zlariga ko‘ra, Pekin Yevropa bilan barcha kelishuvlarni amalga oshirish uchun sa’y-harakatlarni ishga solishga va diplomatik munosabatlarning 50 yilligiga bag‘ishlangan qator tadbirlarni o‘tkazishga tayyor.