Turkiyaning Kilis shahridagi tintuv vaqtida Alisher Navoiyning 100 ming dollarga baholanishi taxmin qilinayotgan qo‘lyozmasi topildi. 15-asrga taalluqli qo‘lyozma Alisher Navoiy g‘azallari asosida tartib berilgan devondir.
Kilis shahri prokuraturasi ko‘rsatmasiga asosan tarixiy asarlarni o‘g‘irlovchi, yashirincha saqlovchi shaxslarga qarshi maxsus operasiya o‘tkazilgan.
Navoiy qo‘lyozmasi Kilis shahri markazida yashovchi T.A. ismli kishining uyidagi tintuvda topilgan.
Qo‘lyozma 378 sahifadan iborat bo‘lib, 100 ming dollarga baholanishi kutilmoqda.
Ismi ochiqlanmagan T.A.ni so‘roq qilish uchun Tergov qo‘mitasiga olib borishgan.
Turkiyaning «Hurriyet» gazetasi Navoiy turkiy tilda ilk bor «Xamsa» yozgani, turkiy tilning fors tilidan ustunligini isbotlovchi «Muhokamatul-lug‘atayn» asarini yozganini qayd etarkan, Navoiyni Mahmud Koshg‘ariydan keyin turk tiliga eng ko‘p xizmat qilgan kishi deb e’tirof etgan.
Shoygu urush tugaydigan “aniq va shubhasiz” sanani ma’lum qildi
Garri Kasparov terrorchi sifatida tan olindi
Ariston kompaniyasi milliylashtirilgach, Rossiya elchisi Italiya TIVga chaqirtirildi
