Xorijda vafot etgan o‘zbekistonliklarni vatanga qaytarish bahonasida pul yig‘ayotganlardan ogohlantirish berildi

Ijtimoiy tarmoqlarda xorijda bo‘lib turgan vaqtida vafot etgan vatandoshlarimizning jasadlarini yurtimizga olib kelish uchun ijtimoiy tarmoq faollari turli plastik karta raqamlariga pul yig‘ish aksiyalarini o‘tkazayotgani kuzatilmoqda.

Ayrim holatlarda eski yoki noto‘g‘ri ma’lumotlar asosida odamlarning his-tuyg‘ularidan foydalanib, firibgarlik qiluvchi shaxslar ko‘paymoqda.

🔔 Bu kabi xabarlarni ko‘rsangiz, hech qanday pul o‘tkazmang. Qonuniy va ishonchli yo‘l — O‘zbekiston Respublikasi Vazirlar Mahkamasi huzuridagi Migrasiya agentligiga murojaat qilishdir.

❗️ Eslatib o‘tamiz, agar O‘zbekiston fuqarosi xorijda vafot etgan bo‘lsa, Migrasiya jamg‘armasi mablag‘lari hisobiga yurtga olib kelinadi.