Xorijiy davlatlarda ota-ona qaramog‘isiz qolgan jami 11 nafar voyaga yetmagan bola O‘zbekiston Respublikasiga muvaffaqiyatli qaytarildi. Bu haqda Bolalar ombudsmani matbuot xizmati xabar beradi.
Jumladan, 9 nafar bola Rossiya Federasiyasidan, 2 nafar bola esa Qozog‘iston Respublikasidan Vatanga olib kelindi.
Qayd etilishicha, vatanga qaytarilgan bolalarning huquq va qonuniy manfaatlarini ta’minlash, ularni oilaviy muhitga qaytarish hamda zarur ijtimoiy xizmat va yordamlar bilan qamrab olish bo‘yicha tegishli choralar ko‘rilmoqda.
Bolalarning keyingi holati va oilaga moslashuvi ularning yashash manzili bo‘yicha «Inson» ijtimoiy xizmatlar markazlari tomonidan ijtimoiy hamrohlik asosida kuzatib borilishi ta’kidlandi.
Shahnoza Mirziyoyeva Musulmon Yunusovning murojaatiga munosabat bildirdi
Dunyo xaritasi 500 yil ichida ilk bor yangilandi
💴 Adliya vazirligi O‘zbekistondagi pensiya va nafaqalar miqdorini eslatdi
