Xorazm viloyati Transport boshqarmasining bosh mutaxassisi 135 ming dollarga Urganch shahridagi 960 metr kvadrat bo‘sh yer maydonini kadastr idoralari orqali rasmiylashtirib berishni va’da qilib, fuqarodan 80 ming dollarini olgan vaqtda Davlat xavfsizligi xizmati tomonidan qo‘lga olingan.
Qayd etilishicha, gumonlanuvchi erkak aslida boshqa shaxsga tegishli bo‘lgan joyni ko‘p qavatli turar joy qurilishi uchun rasmiylashtirmoqchi bo‘lgan.
Gumonlanuvchiga nisbatan Jinoyat kodeksining 168-moddasi 4-qismi «a» bandi (juda ko‘p miqdorda firibgarlik) va 211-moddasi 3-qismi «a» bandi (juda ko‘p miqdorda pora berish) bo‘yicha jinoyat ishi qo‘zg‘atilgan. Tergov harakatlari olib borilmoqda.
shuningdek, huquq-tartibot idoralari tomonidan Farg‘ona viloyatida o‘tkazilgan tezkor tadbirda esa Agrosanoat majmui ustidan nazorat qilish inspeksiyasining Yozyovon tumani bo‘limi bosh mutaxassisi xizmat mavqeidan foydalanib, “Shaffof qurilish” milliy axborot tizimida pudratchi korxonaning reyting ballarini ko‘tarish hamda tenderga taqdim qilish maqsadida, haqiqatda mavjud bo‘lmagan qurilish texnikalarining texnik pasporti va yorliqlarini tayyorlab berish evaziga 8700 AQSh dollari olgan vaqtida ashyoviy dalillar bilan ushlandi.
Hozirda unga nisbatan Jinoyat Kodeksining 25,168-moddasi 3-qismi “v” bandi va 28,211-moddasi 1-qismi bilan jinoyat ishi qo‘zg‘atilib, tergov harakatlari olib borilmoqda.
"Ko‘rinmas" rus dronlari Ukraina artilleriyasini mazax qilmoqda
Xitoy Avstraliyani o‘rab oldi
Rossiya Su-35’larni Xitoyga sotib xato qildimi? Xitoy Su-35’larni uchish uchun emas, nusxa olish uchun olgan!
