Xitoyda ishlab chiqarilgan gumanoid robot mamlakatning sharqiy qismidagi shaharlar orasida 106 kilometr masofani to‘xtamasdan bosib o‘tib, Ginnesning rekordini o‘rnatdi.
Bu haqda China Daily Asia xabar berdi va tasdiq Ginnesning rekordlar kitobi veb-saytida ham e’lon qilindi.
Shanxayning Agibot kompaniyasi tomonidan ishlab chiqilgan A2 roboti 10 noyabr kechasi Suchjoudan yo‘lga chiqdi va 13 noyabr kuni erta tongda Shanxaydagi Vaytan sohiliga yetib keldi. Tez almashtiriladigan batareya tizimi robotga 106 kilometr 286 metr masofani bosib o‘tib, marraga yetguncha sayohatini davom ettirishga imkon berdi.
Ishlab chiquvchi krmpaniya vakillarining so‘zlariga ko‘ra, zaruriy jihozlar robotga qiyin sharoitlarda muvaffaqiyatli harakatlanish, svetoforlar, tor yo‘laklar va gavjum yo‘laklardan o‘tish, atrof-muhitni kunduzi ham, kechasi ham barqaror idrok etish imkonini berdi. Robot asfaltlangan yo‘llar, tosh yo‘laklar va ko‘priklarda harakatlanib, yo‘l harakati qoidalariga rioya qildi.
Shanxayga yetib kelgach, rekordchi mexanik qahramon jurnalistlarga o‘z sayohatini “mashina hayotidagi unutilmas tajriba” deb ta’rifladi va hazil bilan “unga yangi poyabzal kerak bo‘lishi mumkin” deb ishora qildi, deb xabar berdi rbc.ru.
O‘zbekistonliklar va turkmanistonliklarning qarshiligiga qaramay Rog‘un GES qurilishi davom etadi
Jizzaxda Lacetti va yuk mashinasi ishtirokidagi "avariya"da 5 kishi halok bo‘ldi
Kaspiy dengizi ikkiga ajralishi mumkin
