Xitoyda gumanoid robot ilk bor aspiranturaga qabul qilindi

South China Morning Post nashri yozishicha, Xitoyda "Xueba" (tarjimada — “a’lochi”) nomli gumanoid robot birinchi marta aspiranturaga qabul qilindi. U teatr, kino va an’anaviy xitoy operasi sohalari bo‘yicha ta’lim oladi.

Robot Shanxay fan va texnologiya universiteti hamda DroidUp Robotics kompaniyasi hamkorligida yaratilgan.

Xueba mahalliy teatr institutining san’at va texnologiyalarni uyg‘unlashtirishga qaratilgan tadqiqot dasturi doirasida o‘qishga qabul qilingan.

4 yillik ta’lim yakunida Xueba dissertasiya yozishini ham rejalashtirishgan. Bu tarixda san’at va sun’iy intellektni birlashtirishdagi yangi bosqich sifatida baholanmoqda.