Xitoyda dunyodagi eng katta suzuvchi shamol turbinasi o‘rnatildi

Parraklari yettita futbol maydoni uzunligiga teng bo‘lgan bu ulkan qurilma minglab uylarni quvvat bilan ta’minlaydi.

Xitoyda quvvati 16 MVt bo‘lgan dunyodagi eng yirik suzuvchi dengiz shamol stansiyasini yig‘ish yakunlandi, deb xabar bermoqda South China Morning Post. U janubiy Beyxay shahrida o‘rnatildi.

Turbina rotorining diametri 252 metrni tashkil qiladi. Qurilish yiliga taxminan 44,7 million kVt/soat elektr energiyasi ishlab chiqarishi kutilmoqda, bu esa 4000 dan ortiq o‘rtacha uy xo‘jaliklarini quvvatlantirish uchun yetarli.

Taqqoslash uchun, sakkiz yil avval Shotlandiya qirg‘oqlarida besh turbinali va umumiy quvvati 30 MVt bo‘lgan dunyodagi birinchi tijorat suzuvchi shamol stansiyasi ish boshlagan.

Loyihani bir paytlar ulkan “Uch dara” to‘g‘onini qurgan dunyodagi eng yirik gidroelektr ishlab chiqaruvchi va operatori sifatida tanilgan China Three Gorges Corporation korporasiyasi amalga oshirmoqda, deb xabar berdi korrespondent.net.