Metan zapravka yopiq bo‘lgani uchun norozilik bildirganlar qamaldi

Toshkent viloyatining Chinoz tumanida ikki shaxs — 33 yoshli A.O. va 40 yoshli B.SH. avtomashinalarga gaz to‘ldirish shoxobchasiga bormasdan, “Toshkent–Termiz” yo‘lini to‘sishga da’vat qilgani uchun ozodlikdan mahrum etildi.

Ular haydovchilarni HOWO yuk mashinasi bilan yo‘lni to‘sishga majburlab, ommaviy tartibsizlik keltirib chiqarishga uringan.

Sud ma’lumotlariga ko‘ra, ayblanuvchilar Telegram orqali odamlarni yo‘lni to‘sishga chaqirgan va voqeani videoga olib tarqatgan.

A.O. 5,5 yilga, B.SH. esa 3,5 yilga ozodlikdan mahrum qilindi.

Sud hukmiga ko‘ra, ularning qilmishi ommaviy tartibsizlik va jamoat xavfsizligiga tahdid solish deb baholangan.