Xitoy Zelenskiyning Rossiyaga qurol yetkazib berish haqidagi ayblovlarini “siyosiy manipulyasiya” deb atadi

"Xitoy hech qachon mojaro taraflaridan birortasiga o‘limga olib keluvchi qurollar yetkazib bermagan va har doim ikkilamchi maqsadli mahsulotlar eksportini qat’iy nazorat qilib kelgan", — dedi Xitoy Tashqi ishlar vazirligi vakili Lin Szyan.

Avvalroq prezident Zelenskiy Ukraina razvedkasi ma’lumotlariga tayanib Xitoy Rossiya armiyasiga qurol yetkazayotganini ma’lum qilgan edi. Ukraina prezidenti, shuningdek, Kiyev bu borada keyingi haftada “batafsil” ma’lumot berishini qo‘shimcha qilgandi.