Xitoy ochgan yangi transport yo‘lagida yuklarni Qozog‘istonni aylanib o‘tgan holda O‘zbekistonga yetkazish imkoniyati paydo bo‘ldi. The Global Times nashrining xabar berishicha, ilk yuk poyezdi 5 iyun kuni Gansu provinsiyasining Lanchjou shahridan Toshkent sari yo‘lga tushgan.
Yo‘nalish Qirg‘iziston hududi orqali o‘tadi. Poyezd Qashqargacha boradi va u yerdan yuklar avtomobilda Qirg‘izistonning Irkeshtom shahriga, u yerdan esa O‘shga olib boriladi. O‘shda yana poyezdga ortilgan yuklar Toshkentga yetkaziladi.
Lanchjoudan yo‘lga chiqqan ilk poyezdda umumiy qiymati 2,6 million dollarga teng elektr jihozlari bor. Xitoyga esa O‘zbekistondan qariyb 1 million dollarlik – 525 tonna ip gazlama jo‘natiladi.
Yangi transport yo‘lagining uzunligi 4320 kilometrga teng, yuk tashish uchun 7-10 kun kerak bo‘ladi. Yangi yo‘lak Qozog‘iston hududi (Xorgos) orqali o‘tgan yo‘nalishdan 300 kilometr qisqaroq.
Eron raketalarining aksariyati Isroilning Arrow mudofaa tizimi yordamida qo‘shni davlatlar ustida urib tushirilgan
Moskva Isroilning ehtimoliy hujumidan himoya qilish uchun Eronga zamonaviy qiruvchi va havo mudofaa tizimlarini topshirishi mumkin
Tojikiston chegarachilari yetti nafar afg‘onni otib o‘ldirdi
