Xitoy qurollanish poygasida ishtirok etmaydi

Xitoy hech qachon qurollanish poygasida ishtirok etmaydi va yadro qurolini birinchi bo‘lib qo‘llamaydi, deb bayonot berdi Yadro qurollarini tarqatmaslik to‘g‘risidagi shartnoma bo‘yicha bo‘lib o‘tgan konferensiyada xitoylik diplomat.

"Xitoyning yadroviy mudofaa strategiyasi mudofaa sohasidagi milliy siyosati kabi yadro quroliga ega mamlakatlar orasida eng aniq va barqarori hisoblanadi.

Xitoy har doim o‘zining yadroviy salohiyatini milliy xavfsizligini himoya qilish uchun yetarli bo‘lgan darajada ushlaydi", – dedi u.

"Xitoy hech qachon qurollanish poygasida ishtirok etmagan va hech qachon ishtirok etmaydi. Xitoy birinchi bo‘lib yadro qurolidan foydalanmaslik siyosatini olib boradi", - deya qo‘shimcha qildi u.