Xitoyning taniqli sanoat sub’ektlaridan biri Namangan viloyatida katta o‘lchamdagi temir-beton mahsulotlari ishlab chiqarishni rejalashtirmoqda. Ana shunday taklif bilan Xitoy Xalq Respublikasining “Xingjiang Juansheng Construction Engineering Co.,Ltd” kompaniyasi direktori Je Xin Yuan boshchiligidagi delegasiya Namanganga keldi.
Mehmonlarni Namangan viloyat hokimi Shavkat Abdurazzoqov bilan o‘tkazgan o‘zaro muloqotida Chust tumanida sakkiz gektar yer maydonida katta o‘lchamdagi temir beton mahsulotlarini ishlab chiqarishni tashkil etish loyihasi muhokama qilindi.
Keyingi yillarda mamlakatimizda, shu jumladan, Namangan viloyatida keng ko‘lamdagi qurilish, bunyodkorlik ishlari amalga oshirilmoqda. Tabiiyki, bu jarayonlarda katta o‘lchamdagi temir-beton mahsulotlariga ehtiyoj kuchaygan.
Xitoylik investorlar tashrif mobaynida belgilangan manzilga chiqib, rejalashtirilayotgan loyihani hayotga tatbiq etish borasida mavjud sharoit va imkoniyatlar bilan yaqindan tanishdi.
Havo harorati -8 darajagacha tushishi kutilmoqda
Kelgusi hafta boshi uchun ob-havo prognozi e’lon qilindi
«O‘zgidromet» haftalik prognozni e’lon qildi
