Xitoy eksportdan importga qaraganda 1 trln dollardan ko‘proq mablag‘ oldi

Xitoyning tashqi savdo profisiti 2026 yilning dastlabki 10 oyida 1,04 trln dollarga yetdi. Bu ko‘rsatkich o‘tgan yilgi rekord natijadan ham yuqori.

Yanvar–oktyabr oylarida Xitoy 3,78 trln dollarlik tovar eksport qildi, import esa 2,74 trln dollarni tashkil etdi.

Oktyabrning o‘zida eksport yillik hisobda 35,2 foizga oshdi. O‘sishda elektromobillar, quyosh panellari, serverlar, kabellar va ma’lumotlar markazlari uchun boshqa uskunalar muhim o‘rin tutdi.

Xitoyning Yevropa bilan savdo profisiti ham keskin o‘sib, yilning dastlabki 10 oyida 320,8 mlrd dollarga yetdi. Bu Yevropada, ayniqsa Germaniyada, mahalliy sanoat va ish o‘rinlari uchun xavotirni kuchaytirmoqda.
Biroq rekord darajadagi profisit Xitoy iqtisodiyotidagi ichki muammolarni ham ko‘rsatadi. Mamlakatda uy-joy bozoridagi pasayish va aholining xarajatlarni qisqartirishi ichki talabni zaiflashtirmoqda.

Shu sababli Xitoy iqtisodiyoti tobora ko‘proq eksport va ishlab chiqarishga tayanib bormoqda.