Xitoy AQShning yangi "Oltin gumbaz" raketaga qarshi mudofaa tizimini qurish rejalaridan xavotirda va Vashingtonni ishlanmalardan voz kechishga chaqirmoqda.
Bu haqda Xitoy tashqi ishlar vazirligi (TIV) matbuot kotibi Mao Nin ma’lum qildi.
Ningning ta’kidlashicha, "Oltin gumbaz" global, ko‘p qatlamli, ko‘p domenli raketaga qarshi mudofaa tizimi bo‘lib, u orbital tutib olish tizimlarini joylashtirish orqali kosmosda jangovar salohiyatni kengaytirishga "intiladi".
"Biz Qo‘shma Shtatlarni global raketaga qarshi mudofaa tizimini ishlab chiqish va joylashtirishdan voz kechishga va buyuk davlatlar o‘rtasidagi strategik o‘zaro ishonchni mustahkamlash va global strategik barqarorlikni saqlash bo‘yicha aniq choralar ko‘rishga chaqiramiz", - deya qo‘shimcha qildi Xitoy TIV vakili.
Eslatib o‘tamiz, avvalroq AQSh prezidenti Donald Tramp “Oltin gumbaz” raketaga qarshi mudofaa tizimi uchun 175 milliard dollar ajratish niyatida ekanligini ma’lum qilgandi. Tramp, shuningdek, Kanada o‘z hududini yangi tizimga kiritish uchun Qo‘shma Shtatlar bilan hamkorlik qilishdan manfaatdor ekanini aytdi.
Markaziy Osiyo xalqlari uchun Rossiya endi qiziq emas
"Kim Chen Inni sud qilish vaqti keldi"
Rossiya o‘t ochishni to‘xtatish uchun ikkita shartni ilgari surmoqda — Bild
