Xegset: "AQShning boy ittifoqchilari o‘z mudofaasi uchun pul to‘lashlari kerak"

AQShning boy ittifoqchilari Amerika subsidiyalariga tayanish o‘rniga o‘z mudofaa xarajatlarini o‘zlari qoplashlari kerak.

AQSh mudofaa vaziri Pit Xegset Singapurda bo‘lib o‘tgan xalqaro xavfsizlik forumida nutqida shunday dedi.

Uning ta’kidlashicha, Vashington ittifoqchilarni Amerika qo‘llab-quvvatlashiga qaram bo‘lgan davlatlar emas, balki sherik sifatida ko‘rishni afzal ko‘radi.

"AQShning boy mamlakatlar mudofaasini subsidiyalash davri tugadi. Bizga protektoratlar emas, balki sheriklar kerak. Bizga qaramlik emas, balki umumiy mas’uliyatga asoslangan ittifoqlar kerak", dedi Xegset.

Pentagon rahbari bu yondashuv ittifoqchilik munosabatlarini mustahkamlashini va ularni zamonaviy chaqiriqlarga moslashtirishini ta’kidladi.

"Ushbu konsepsiya bizning ittifoqlarimiz uchun mustahkam poydevor yaratadi, ularning oxirgi emas, balki bu asrning chaqiriqlariga tayyor bo‘lishlarini ta’minlaydi", deb ta’kidladi u.