Xavi Qatar milliy jamoasini boshqarishi mumkin

Xavi murabbiylikka qaytishi mumkin.

Goal nashrining Al Raya'ga tayanib xabar berishicha, Qatar futbol assosiasiyasi ispaniyalik mutaxassisni milliy jamoa bosh murabbiyligiga tayinlamoqchi.

Jamoani hozirda Bartolome Markes boshqarmoqda. Qatar JCH-2026 saralashi 3-bosqichida 4 o‘yinda 4 ochko jamg‘arib, guruhida 4-o‘rinni egallab turibdi va 5-turda 14 noyabr kuni O‘zbekistonni (10) qabul qiladi. Oxirgi turda qatarliklar Eronga 1:4 hisobida imkoniyatni boy berdi.

Xavi o‘tgan mavsum oxirida «Barselona» bosh murabbiyligidan bo‘shatilgandi. Avvalroq u Qatarning «As Sadd» klubini boshqargan.