Tramp Putinga “Ukrainaga qarshi tajovuzni davom ettirsa”, Moskvaga zarba berish bilan tahdid qilgan.
AQSh sobiq prezidenti bu haqda The Wall Street Journal nashriga bergan intervyusida aytib o‘tdi.
"Vladimir, agar sen Ukrainaga zarba berishda davom etsang, senga shu qadar qattiq zarba beramanki, hatto tasavvur ham qilolmaysan. Men Moskvaning markaziga zarba uyushtiraman. Biz do‘stmiz. Men bunday qilishni xohlamayman, lekin boshqa ilojim yo‘q", dedi Tramp.
Uning so‘zlariga ko‘ra, Putin “bo‘lishi mumkin emas” deb javob bergan.
Tramp bu muloqot qachon va qanday sharoitda bo‘lib o‘tganiga aniqlik kiritmadi.