Xarri Keyn Bundesliga rekordini o‘rnatdi

Myunxenning "Bavariya" klubi hujumchisi Harri Keyn Bundesliganing 15-turida "Xaydenxaym"ga (4:0) gol urib, Germaniya chempionati rekordini o‘rnatdi.

Bu haqda myunxenliklar klubi rasmiy saytida ma’lum qilingan.

Britaniyalik futbolchi Bundesligada 100 ta gol va golli uzatmaga (81+19) ega. U bunga 78 ta o‘yinda erishdi, bu uning 2004/2005 yilgi mavsumda statistika yig‘ila boshlaganidan beri eng yaxshi ko‘rsatkichidir. Avvalgi rekord Aren Robbenga tegishli bo‘lib, u 119 uchrashuvda bu natijaga erishgan.

Keyn "Bavariya"ga 2023 yilning yozida "Tottenxem"dan kelib qo‘shilgan edi. Joriy mavsumda u myunxenliklar safida Bundesligada 15 ta o‘yin o‘tkazib, 19 ta gol urdi va 3 ta golga assistentlik qildi. Keyn Chempionlar ligasida oltita o‘yin o‘tkazib, beshta gol urdi. Shuningdek, Germaniya kubogida beshta va Germaniya Superkubogida bitta gol urdi.