Харри Кейн Бундеслига рекордини ўрнатди

Мюнхеннинг "Бавария" клуби ҳужумчиси Ҳарри Кейн Бундеслиганинг 15-турида "Хайденхайм"га (4:0) гол уриб, Германия чемпионати рекордини ўрнатди.

Бу ҳақда мюнхенликлар клуби расмий сайтида маълум қилинган.

Британиялик футболчи Бундеслигада 100 та гол ва голли узатмага (81+19) эга. У бунга 78 та ўйинда эришди, бу унинг 2004/2005 йилги мавсумда статистика йиғила бошлаганидан бери энг яхши кўрсаткичидир. Аввалги рекорд Арен Роббенга тегишли бўлиб, у 119 учрашувда бу натижага эришган.

Кейн "Бавария"га 2023 йилнинг ёзида "Тоттенхэм"дан келиб қўшилган эди. Жорий мавсумда у мюнхенликлар сафида Бундеслигада 15 та ўйин ўтказиб, 19 та гол урди ва 3 та голга ассистентлик қилди. Кейн Чемпионлар лигасида олтита ўйин ўтказиб, бешта гол урди. Шунингдек, Германия кубогида бешта ва Германия Суперкубогида битта гол урди.