Qotillikda gumonlanib, Interpol qidiruviga berilgan o‘zbekistonlik shaxs Salvadordan Rossiyaga ekstradisiya qilindi. Bu haqda Rossiya Ichki ishlar vazirligi rasmiy vakili Irina Volkka tayanib Novosti Mail xabar berdi.
Ma’lum qilinishicha, ushbu shaxs 2021 yilda Sankt-Peterburgda sodir etilgan janjalda jabrlanuvchining ko‘kragiga o‘tkir buyum bilan pichoq urgan va ushbu jinoyat bo‘yicha jinoyat ishi ochilgan. Ayblanuvchi chet elga qochganidan so‘ng Rossiya Ichki ishlar vazirligi vakillari uni xalqaro qidiruvga topshirgan.
Interpol kanallari orqali qidiruvdagi shaxsning Salvadorda ekanligi aniqlanib, 2023 yil may oyida u qo‘lga olindi. Rossiya Bosh prokuraturasining ekstradisiya so‘rovi xorijiy hamkorlar tomonidan qondirilib, shaxs San-Salvador aeroportida Rossiya huquq-tartibot idoralari xodimlariga topshirildi va Moskvaga olib kelindi.
Rossiya Ichki ishlar vazirligi vakillarining ta’kidlashicha, bu ikki davlat o‘rtasidagi vakolatli idoralar hamkorligidagi ilk ekstradisiya holati bo‘ldi.
Chechen qo‘mondonidan to‘g‘ridan-to‘g‘ri tahdid: “Ruslarni o‘ldirish uchun kelgan xorijliklar yo‘q qilinadi!”
Rossiyada yakun yasaldi: SSSR yo‘q bo‘ldi
Lavrov "Bunday so‘zlarni aytish uchun surbet odam bo‘lish kerak”
