Rossiya va Belarus bokschilari xalqaro turnirlarda mamlakat bayrog‘i va madhiyasi ostida ishtirok etishlari mumkin bo‘ladi.
Bu haqda Xalqaro boks assosiasiyasi e’lon qildi.
"IBA siyosat sportga hech qanday ta’sir ko‘rsatmasligi kerakligiga qat’iy ishonadi. Shuning uchun barcha sportchilarga teng munosabatda bo‘lish kerak. Xalqaro sport federasiyasi sifatidagi avtonomiyani hurmat qilgan holda, IBA siyosiy jihatdan neytral va mustaqil bo‘lib qolishi kerak", - deyiladi tashkilot xabarida.
