“Xalq nazorati” platformasi barcha hududlarda yo‘lga qo‘yilmoqda

Bu haqda Hisob palatasi Shavkat Mirziyoyev huzurida bo‘lib o‘tgan yig‘ilishda axborot berdi.

"Bu tizim orqali qurilish, infratuzilma, kommunal xizmatlar, energiya ta’minoti, transport, yo‘l, ekologiya kabi sohalardagi muammolar bo‘yicha xabar beriladi. Ularni hal qilish uchun portalga barcha vazirlik, idora va hokimliklar ulanadi.

Hozirgi kunda bu dasturni sun’iy intellekt asosida takomillashtirish, vertikal nazorat tizimini yo‘lga qo‘yish, koll-markazlar tashkil etish bo‘yicha ishlar olib borilmoqda", - deyiladi xabarda.