Xakerlar ikki yil ichida dunyo bo‘ylab 2,3 milliondan ortiq bank kartalari ma’lumotlarini o‘g‘irlashgan

2023-2024 yillarda xakerlar ma’lumotlarga kirish uchun zararli dasturlar - stilerlar yordamida dunyo bo‘ylab 2 milliondan ortiq bank kartalari ma’lumotlarini o‘g‘irlagan.

Bu haqda "Kasperskiy laboratoriyasi" xabar berdi.

Hammasi bo‘lib 2,3 milliondan ortiq noyob bank kartalari o‘g‘irlangan va ularning aksariyati haqiqiy kartalarga to‘g‘ri kelgan.

"Texnik tahlil shuni ko‘rsatdiki, sizib chiqqan ma’lumotlarning 95 foizi haqiqiy bank kartalariga to‘g‘ri keladi," - deyiladi kompaniya xabarida. Global miqyosda esa o‘g‘irlangan kartalar ulushi 1 foizdan oshmaydi.

"Kasperskiy laboratoriyasi" ma’lumotlariga ko‘ra, obro‘sizlangan qurilmalarning aksariyati Windows operasion tizimida ishlaydi, bu uning xavfsizligi bilan emas, balki keng tarqalishi bilan bog‘liq.