Xakerlar Fransiyaning yadroviy sirlarini o‘g‘irladi

Neferpitou taxallusidan foydalangan xaker Fransiyaning harbiy kemalar ishlab chiqaruvchi Naval Group mudofaa kompaniyasining ichki ma’lumotlariga kirish huquqiga ega bo‘ldi.

Bu haqda France3 telekanali xabar berdi.

Kiber xaker 13 gigabaytlik ma’lumotni, jumladan Fransiyaning yadroviy sirlarini internetga sizdirdi. Nashr etilgan ma’lumotlar fransuz fregatlari va yadroviy suv osti kemalarida qo‘llaniladigan jangovar tizimlarning manba kodini, qurol dasturlari, simulyasiya muhitlari, tarmoq diagrammalari va foydalanuvchi qo‘llanmalarini o‘z ichiga oladi.

Kiberjinoyatlar bo‘yicha ekspert Klement Domigo bu ma’lumotlar internetda e’lon qilinganini tasdiqladi.