Xakerlar AQSh Kongressi kutubxonasining elektron pochtasini buzib kirishdi. Hujumchilar joriy yilning yanvar oyidan sentyabr oyigacha Kongress xodimlari va kutubxona xodimlari o‘rtasidagi yozishmalarga kirish imkoniga ega bo‘lishgan, deya xabar beradi Fox News.
"Kongress kutubxonasi yaqinda kutubxonaning axborot texnologiyalari muhitining kiberbuzilishini aniqladi, buning natijasida tajovuzkor kutubxona xodimlari va Kongress idoralari o‘rtasida 2024 yilning yanvar-sentyabr oylarida almashilgan elektron pochta xabarlariga kirish huquqiga ega bo‘ldi" - dedi Kongress kutubxonasi vakili Bill Rayan Fox Newsga. Shuningdek, uning qo‘shimcha qilishicha, muassasa ma’lumotlarning sizib chiqishiga sabab bo‘lgan zaiflikni tuzatgan va kelajakda shunga o‘xshash hodisalarning oldini olish choralarini ko‘rgan.
AQSh Kapitoliy polisiyasi ishni FQBga topshirdi. To‘g‘ridan-to‘g‘ri Vakillar palatasi va Senatda ishlaydiganlarning akkauntlari buzib kirilganmi yoki yo‘qmi hozircha noma’lum. Kongress kutubxonasi Vakillar palatasi va Senat xodimlarini, shu jumladan Respublikachilar va Demokratik partiya idoralarini voqea haqida xabardor qildi. Telekanal ma’lumotlariga ko‘ra, xakerlik xorijlik xakerlar tomonidan amalga oshirilgan.
Fox News ma’lumotlariga ko‘ra, xakerlar Kongress kutubxonasini nishonga olgan, chunki u Kongressning qolgan qismiga nisbatan “osonroq nishon” bo‘lgan va Kongressning qolgan qismi kiberjosuslikdan himoya qilish uchun ishlatadigan murakkabroq tizimlarga ega emas edi.
Rossiya o‘z ishini boshladi
Filipp Kirkorov qidiruvga berildi
Dunyoning tabiiy zaxirlari qiymati bo‘yicha eng boy 10 mamlakati
