Xabi Alonso “Real“ futbolchilariga ultimatum qo‘ydi

“Real“ning yangi bosh murabbiyi Xabi Alonso o‘z o‘yinchilariga uchrashuv vaqtida bor kuchini sarflamaganlar tarkibga kiritilmasligini ma’lum qilgan.

Manbaga ko‘ra, murabbiy o‘z o‘yinchilariga yugurmagan va bor kuchini sarflamaganlar maydonga tushmasligi haqida qattiq ogohlantirgan.

Alonso barcha o‘n bir o‘yinchi, hatto darvozabon Tibo Kurtua ham bor kuchi bilan maydonda harakat qilishi lozimligini aytgan. Murabbiyning ta’kidlashicha, futbolda darvozaga zarba berish uchun shunchaki turish va kutish yetarli emas. O‘yinchilar har bir to‘p uchun kurashishlari kerak.

Madridning “Real” klubi 18 iyun kuni klublar o‘rtasidagi jahon chempionatida “Al-Hilol”ga qarshi bahs olib boradi.