12 yoshli qizchaga shahvoniy shilqimlik qilishda ayblangan 43 yoshli konduktor ishi bo‘yicha sud majlisi 14 yanvar kuni Jinoyat ishlari bo‘yicha Shayxontohur tuman sudida bo‘lib o‘tdi.
Sud hujjatlariga ko‘ra, 78-sonli avtobus konduktori 11.06.1981 y.t. Bekmetov Toir Baxautdinovich qizchaga har xil savollar berib, yuziga tegib, boshidan o‘pmoqchi bo‘lgan.
Sud majlisida u qilmishidan pushaymon ekani, bu holat boshqa takrorlanmasligini bayon qilib, suddan yengillik berishni so‘radi.
Sud unga Ma’muriy javobgarlik to‘g‘risidagi kodeksning 41-1-moddasi 1-qismi (shahvoniy shilqimlik) bilan 5 sutka qamoq jazosini tayinladi. Bunday jazo ushbu modda sanksiyasida nazarda tutilgan maksimal jazodir.
