Volodimir Zelenskiy: Agar saylovlar urushni tugatish sharti bo‘lsa, marhamat, o‘tkazamiz

Ukraina prezidenti Volodimir Zelenskiy agar saylovlar urushni tugatish sharti sifatida qo‘yilsa, mamlakatda saylovlar o‘tkazishga tayyor ekanini bildirdi.

“Agar saylovlar urushni tugatish sharti bo‘lsa, unda marhamat, saylovlarni o‘tkazamiz. Ammo, shunchaki mendan qutulmoqchi bo‘lsangiz, buning uchun qonuniy yo‘l toping”, — dedi u.

Zelenskiyning ta’kidlashicha, Ukrainadagi barcha siyosiy jarayonlar qonun doirasida amalga oshirilishi lozim va urush sharoitida davlat barqarorligi birinchi o‘rinda turadi.