Vodiy grandlari birin-ketin yangi bosh murabbiylari nomini e’lon qilishdi

Vodiyning uch grand klubli "Neftchi", "Andijon" va "Navbahor" allaqachon yangi mavsumga jiddiy tayyorgarlik jarayonini boshlab yuborishdi.

Ular birin-ketin o‘zining eski murabbiylari bilan xayrlashib, yangi bosh murabbiylarni e’lon qildi.

Dastlab, 30 noyabrda "Andijon"ga Samvel Babayan murabbiy etib tayinlangani ma’lum bo‘ldi. 1 dekabr sanasida "Navbahor" Timur Kapadzeni bosh murabbiylikka olib keldi. 2 dekabrda esa amaldagi chempion "Neftchi" Islombek Ismoilovga jamoani ishonib topshirdi.

Mutaxassislar allaqachon keyingi mavsum uchun transfer rejalarini amalga oshirishga kirishib ketgan.