Madridning «Real» jamoasi vingeri Vinisius Junior Chempionlar ligasi pley-off bosqichining «Benfika»ga birinchi qarshi o‘yinida (1:0) yuz bergan irqchilik janjali yuzasidan fikr bildirdi.
«Irqchilar — avvalo qo‘rqoqlar. Ular o‘zlarining qanchalik zaif ekanini ko‘rsatish uchun og‘izlarini futbolkalari bilan berkitishga majbur. Ammo ularni nazariy jihatdan jazolashi kerak bo‘lganlar tomonidan himoya bor.
Bugun sodir bo‘lgan holat mening hayotimda ham, jamoam hayotida ham yangi emas. Golni nishonlaganim uchun sariq kartochka oldim va haligacha nega bunday bo‘lganini tushunmayman. Boshqa tomondan esa, bu hech qanday foyda bermayotgan, yomon ishlayotgan protokol, xolos», — deb yozdi Vinisius o‘zining ijtimoiy tarmoqlarida.
Eslatib o‘tamiz, ikkinchi taymda o‘yin to‘xtatildi. Sabab — braziliyalik hujumchi Vinisius Junior «Benfika» futbolchisi Janluka Prestianni uni «maymun» deb haqorat qilganini ma’lum qildi.
Ronaldu qarorini birdan o‘zgartirdi
Krishtianu Ronaldu boykotdan keyin jahon rekordini o‘rnatdi
Holand kutilmagan transfer qarorini qabul qildi
