Vini va Mbappe "Real" rahbariyatiga murojaat qilishdi

Madridning "Real" klubi braziliyalik vinger Rodrigo jamoada qolishini istamoqda.

TBR Football xabariga ko‘ra, Kilian Mbappe va Vinisius Junior "qirollik klubi" rahbariyatidan joriy transfer oynasida braziliyalikni sotmaslikni so‘ragan. Avvalroq, Rodrigoga Angliya premyer-ligasi klublari qiziqish bildirayotgani haqida xabarlar tarqalgan edi.

Vinger 2019 yilda "qaymoqranglilar" safiga qo‘shilgan. Rodrigo Madrid jamoasi safida jami 270 ta o‘yin o‘tkazib, 68 ta gol va 51 ta golli uzatmani o‘z hisobiga yozdirib qo‘ygan. Uning bozor narxi 90 million yevroni tashkil etadi.