Bu yilgi Osiyodagi eng kuchli to‘fon bo‘lgan «Yagi» to‘foni Vyetnam shimolida o‘nlab odamlarning hayotiga zomin bo‘ldi, infratuzilma va zavodlarga katta zarar yetdi.
Vyetnam hukumatining bildirishicha, 49 kishi halok bo‘lgan, 22 kishi bedarak yo‘qolgan, asosan to‘fon sabab bo‘lgan ko‘chki va toshqinlar tufayli.
To‘fon shanba kuni Vyetnamning shimoli-sharqiy qirg‘og‘iga, mahalliy va xorijiy kompaniyalarning yirik ishlab chiqarish korxonalari joylashgan hududga yetib keldi. Yakshanba kuni u tropik depressiya darajasiga tushirildi , ammo meteorologiya agentligi dushanba kuni yana suv toshqinlari va ko‘chkilar haqida ogohlantirdi.
Yagi millionlab uy xo‘jaliklari va kompaniyalarning elektr energiyasini uzib qo‘ydi, magistral yo‘llarni suv bosdi, telekommunikasiya tarmoqlarini buzdi, ko‘prik va minglab daraxtlarni qulatdi va ko‘plab sanoat markazlarida iqtisodiy faoliyatni to‘xtatdi.
Ikki million kishilik qirg‘oq shahar bo‘lgan Xayfongdagi sanoat parklari va fabrikalari rahbarlari va ishchilari dushanba kuni elektr energiyasi yo‘qligini va yomg‘ir ko‘proq yog‘ishi kutilayotgani sababli metall plitali tomlari uchib ketgan zavodlardan jihozlarni qutqarishga harakat qilishayotganini aytdi.
Davlat elektr ta’minoti provayderining ta’kidlashicha, dam olish kunlari o‘nlab elektr uzatish liniyalari uzilib qolganligi sababli 5,7 milliondan ortiq abonent elektr energiyasidan mahrum bo‘lgan, biroq dushanba kuni jabrlanganlarning qariyb 75 foiziga elektr ta’minoti tiklangan.
