Vens: "Yaqin haftalarda Ukraina borasida xushxabar paydo bo‘lishi mumkin"

AQSh vise-prezidenti Djey Di Vens 4 dekabr kuni Ukraina mojarosiga oid yaxshi xabar yaqin haftalarda paydo bo‘lishi mumkinligini aytdi.

"Biz hali u yerda emasmiz. O‘ylaymanki, kelgusi bir necha hafta ichida bu jabhada yaxshi yangiliklar bo‘lishiga umid bor", dedi u NBC News telekanaliga bergan intervyusida.

Vise-prezidentning qo‘shimcha qilishicha, u va "butun Oq uy" Ukraina inqirozi haligacha hal etilmaganidan hafsalasi pir bo‘lgan.

Tramp ma’muriyati bu mojaroni hal qilish ancha sodda vazifa bo‘lishiga ishondi, deb ta’kidladi Vens.

2 dekabr kuni Rossiya prezidenti Vladimir Putin va AQSh prezidenti Donald Trampning maxsus vakili Stiv Uitkoff Kremlda muzokara o‘tkazdi. Uchrashuv besh soatdan keyin yakunlandi.