Vengriya xalqi hukumatni emas, rejimni almashtirdi – mamlakat Bosh vaziri

​Vengriyadagi saylovlarda g‘alaba qozongan Peter Madyar saylovchilar shunchaki yangi hukumat uchun emas, balki mamlakatdagi eski "rejimni" butunlay o‘zgartirish uchun ovoz berganliklarini ma’lum qildi. U Viktor Orban davridagi korrupsiyalashgan tizimga chek qo‘yish va qonun ustuvorligini tiklashga va’da berdi.

Madyarning ta’kidlashicha, yangi ma’muriyat Bryussel bilan yaqin hamkorlik qiladi va Vengriyaning Yevropa Ittifoqidagi o‘rni mustahkam bo‘ladi.
​
"Endi Vengriyada har bir xato uchun javobgarlik bo‘ladi. Xalqning ushbu tanlovi mamlakatimizni Yevropadan uzoqlashtirishga bo‘lgan har qanday urinishlarga chek qo‘ydi", — deya qo‘shimcha qildi Madyar.