Vengriya YEIning Ukrainaga ajratilgan 90 milliard yevrolik kreditini blokladi — Financial Times

20 fevral kuni Vengriyaning Yevropa Ittifoqidagi elchisi Budapesht Yevropa Ittifoqi byudjetidan Ukrainaga mablag‘ ajratilishiga qarshi ekanini ma’lum qildi.

Mazkur qaror Yevropa Ittifoqining barcha 27 a’zo davlati bir ovozdan ma’qullasagina qabul qilinadi.

Evropa Ittifoqi yetakchilari 2025 yil dekabr oyida 2026 yilning aprelida byudjet taqchilligiga duch kelishi kutilayotgan Ukrainaga yordam berish maqsadida 90 mlrd yevro kredit ajratishni kelishib olgan edi.

Biroq Vengriya, Slovakiya va Chexiya kredit bo‘yicha xarajatlar uchun javobgarlikni o‘z zimmasiga olmaslik sharti bilan Ukrainaga yordam berishga rozi bo‘lgandi.

Nashrning yozishicha, Yevrokomissiya Ukrainaga kredit ajratish uchun Yevropa Ittifoqi byudjetidan foydalanish masalasida barcha a’zo davlatlarning qo‘llab-quvvatlashini qo‘lga kiritishi kerak.