Razvedka ma’lumotlari va maxfiy qo‘ng‘iroq: Bayden va Putin o‘rtasidagi 2021 yilgi muloqot tafsilotlari

AQSh sobiq prezidenti Jo Bayden 2021 yilda Ukrainadagi ehtimoliy harbiy harakatlar haqidagi razvedka ma’lumotlaridan xavotirga tushib, Rossiya rahbari Vladimir Putinga qo‘ng‘iroq qilgan.

Bu haqda Britaniyaning "The Guardian" gazetasi yozmoqda.

Nashrning ma’lumotlariga ko‘ra, Amerika razvedkasi Oq uyga Rossiya yetakchisi o‘zining yillik murojaatnomasidan harbiy qadamlarni asoslash uchun foydalanishi mumkinligini ma’lum qilgan.

Ma’ruza Baydenga chiqishdan bir hafta oldin taqdim etilgan, shundan so‘ng u telefon orqali muloqot tashabbusi bilan chiqqan.

"U o‘z xavotirlarini bildirgan, shuningdek, yaqin oylarda sammit o‘tkazishni taklif qilgan", — deyiladi materialda.