Vashington sammitida erishilgan kelishuvlar va ilgari surilgan takliflar e’lon qilindi

AQSh va O‘zbekiston rahbarlari ishtirokida bo‘lib o‘tgan “C5+1” formatidagi sammit yakunlari bo‘yicha muhim kelishuvlar va istiqbolli takliflar ma’lum qilindi. Uchrashuv ikki tomonlama iqtisodiy hamkorlikni yangi bosqichga olib chiqishni ko‘zda tutadi.

🔹 Strategik xomashyo sohasida hamkorlik
O‘zbekiston va AQSh uran, mis, volfram, molibden va grafitni qazib olish hamda ularni chuqur qayta ishlash bo‘yicha hamkorlikni kengaytiradi.

🔹 Aviatsiya sohasida yangi kelishuv
Uzbekistan Airways yana 8 ta Boeing 787 Dreamliner samolyotini xarid qiladi. Shu bilan jami buyurtma qilingan samolyotlar soni 22 taga yetdi. Loyihaga AQSh Eksport-import banki ham jalb etiladi.

🔹 Qishloq xo‘jaligida yirik investisiya
Amerikaning John Deere kompaniyasi bilan 300 mln dollarlik bitim imzolandi. Shundan 150 mln dollar paxta terish mashinalari sotib olishga yo‘naltiriladi.

🔹 Moliya sohasida yangi qadam
AQSh Xalqaro moliyaviy taraqqiyot korporasiyasi (DFC) Toshkent shahrida o‘zining mintaqaviy ofisini ochishi rejalashtirilmoqda.

🔹 Raqamli to‘lov tizimlari yangiligi
Yaqin vaqtlarda O‘zbekistonda Apple Pay va Google Pay to‘lov tizimlari rasman joriy etiladi.

🔹 Trampning bayonoti
Donald Tramp:

“Avvalgi prezidentlar Markaziy Osiyoga yetarli e’tibor bermagan. Biz bu xatoni tuzatmoqdamiz.”

🔹 Mirziyoyevning so‘zlari
Prezident Shavkat Mirziyoyev:

“O‘zbekistonda Sizni ‘tinchlik prezidenti’ deb atashadi. Ishonchim komilki, Rossiya va Ukraina o‘rtasidagi urushni faqat Siz to‘xtata olasiz. Biz bundan umidvormiz.”

🔹 Samarqand taklifi
Mirziyoyev Markaziy Osiyo mamlakatlari va AQSh yetakchilarining navbatdagi “C5+1” sammitini Samarqand shahrida o‘tkazishni taklif etdi.