Qo‘shma Shtatlar Aleppodagi hukumat kuchlari bilan to‘qnashuvlarni zudlik bilan to‘xtatish uchun Suriya Demokratik kuchlariga (SDF) jiddiy bosim o‘tkazdi.
Bu haqda Suriya telekanali manbalarga tayanib xabar bermoqda.
Ma’lumotlarga ko‘ra, Vashington AQSh Davlat departamentining Iordaniyada joylashgan Suriya bo‘yicha maxsus guruhi orqali Aleppodagi to‘qnashuvlarga barham berish uchun har ikki tomon bilan to‘g‘ridan-to‘g‘ri aloqa o‘rnatgan.
Manbalarning tushuntirishicha, Vashingtonning sa’y-harakatlari ikki tomon o‘rtasida to‘qnashuvlar kuchayishi va sharqiy Aleppo qishloqlari va Dayr az-Zor viloyatidagi hududlarga tarqalishining oldini olishga qaratilgan.
“Vashington o‘t ochishni to‘xtatish rejimini Suriya hukumati va Suriya demokratik kuchlari o‘rtasida joriy yil oxirigacha harbiy va xavfsizlik kuchlarining integrasiya jarayonini boshlash bo‘yicha kelishuvga erishish harakatlari doirasida joriy qildi”, — deb xabar berdi telekanal nomi oshkor etilmagan manbaga iqtibos keltirgan holda.
Shu bilan birga, Suriya armiyasi bosh shtabi “bir qanchasini zararsizlantirgandan va to‘qnashuvlar markazini turar-joylardan uzoqroqqa o‘tkazgandan so‘ng” SDF pozisiyalarini o‘qqa tutishni to‘xtatish to‘g‘risida buyruq chiqardi, deya xabar bermoqda Suriya telekanali.
Avvalgi xabarlarga ko‘ra, Alepponing bir qancha mahallalariga SDF minomyotlari va raketa otishlari natijasida ikki tinch aholi halok bo‘lgan. Bu keskinlashuv SDF kuchlarini Suriya armiyasiga qo‘shish bo‘yicha yuqori darajadagi muzokaralar chog‘ida ro‘y berdi, uning muddati yaqinlashmoqda.
Rossiyaning “taslim bo‘lish” taklifi haqida ma’lum qilindi
Qobiljonni kim o‘ldirdi? Rossiyada sodir etilgan mudhish qotillikning asl aybdori aytildi
Rossiya darhol harbiy harakatlarni to‘xtatishga tayyor,
