Ivanovo viloyati gubernatori Stanislav Voskresenskiy Vagner PMC yollanma askarlarining isyoni paytida mintaqada joylashgan Il-22 samolyoti ekipaji halok bo‘lganini tasdiqladi.
“Men hamdardlik bildiraman va halok bo‘lgan qahramonlarning oila a’zolariga ta’ziya izhor etaman. Harbiy xizmat davomida ularning har biri haqiqiy ofiserga xos fazilatlarni namoyon etdi: mardlik, jasorat va fidoyilik, qasamyodga sodiqlik, harbiy burchini sharaf bilan bajardi. Qahramonlarga abadiy xotira”, dedi Voskresenskiy.
Samolyot bortida qancha odam bo‘lgani hozircha noma’lum. Avvalroq Telegram kanallarida samolyot bortida 8 dan 10 kishigacha bo‘lganligi haqida ma’lumotlar paydo bo‘lgan edi.
