«O‘zgidromet» xizmati Toshkent viloyati Bo‘stonliq tumanining ba’zi joylarida chang bo‘roni kuzatilishini ma’lum qildi.
Ma’lum bo‘lishicha, 27 yanvar kuni O‘zbekistonga Turkmaniston hududidan iliq havo kirib keladi. Ta’kidlanishicha, Toshkent viloyati Bo‘stonliq tumanining ba’zi joylarida shamol tezligi 17–22 metr/sekundgacha kuchayadi.
Natijada mazkur hududda chang bo‘roni va g‘uborlar kuzatilishi mumkin. Bu harorat va atmosfera bosimining nisbatan gradiyentlari vujudga kelishi hisobiga sodir bo‘ladi.
