32 yoshli O‘zbekiston fuqarosi Qozog‘istonda samolyotda elektron sigaret chekkani uchun jarimaga tortildi, deb xabar bermoqda Kazinform transport polisiyasi boshqarmasi matbuot xizmatiga tayanib.
“Olmaota aeroportidagi polisiya bo‘limiga Toshkent-Olmaota reysida yo‘lovchilar orasida huquqbuzar ham borligi to‘g‘risida xabar kelib tushdi. Ayol yo‘lovchi dalolatnoma bilan polisiyaga topshirildi", - dedi Polisiya transport boshqarmasi boshlig‘ining birinchi o‘rinbosari Kalizxon Koblandin.
Ayolga nisbatan ma’muriy bayonnoma tuzilib, 3 603 020 so‘m (350 dollar atrofida) jarima solindi.