O‘zbekistonda xizmat ko‘rsatgan artist, xonanda va bastakor Ravshan Namozov 61 yoshida vafot etdi.
Ravshan Namozov 1961 yilning 10 iyulida Termizda tug‘ilgan. O‘sha yerda musiqa bilim yurtini tamomlab, otasi — O‘zbekistonda xizmat ko‘rsatgan artist Abdurahmon Namozov hamda Shokir Mahmudovlardan saboq olgan.
U 1985 yil Germaniya o‘tkazilgan “Yoshlar festivalida” va 1989 yili Olmaota shahrida tashkil etilgan “Osiyo ovozi” ko‘rik tanlovida Grand-Prini qo‘lga kiritgan.
Ravshan Namozov o‘zining musiqiy faoliyatini 1989 yilda tashkil etilgan “Qars” guruhida boshlagan. 1991 yildan buyon u yakkaxon xonanda sifatida ijod qilgan. 1993 yili O‘zbekistonda xizmat ko‘rsatgan artist unvoni bilan taqdirlangan.
Xonanda o‘zining “Chipradalli”, “Kovushim”, “Yor-yor yoron-ey”, “Biyo-biyo”, “Xayol” kabi qo‘shiqlari bilan muxlislar ko‘nglidan joy olgan.