O‘zbekistonda telekommunikasiya operatorlariga xalqaro Internet tarmoqlariga to‘g‘ridan-to‘g‘ri ulanish huquqi berildi

Bu haqda Vazirlar Mahkamasining qarori qabul qilindi.

Qarorga muvofiq, sinov tariqasida, O‘zbekiston hududida faoliyat yuritayotgan, mobil va (yoki) simli telekommunikasiya tarmoqlariga ega, ammo xalqaro Internet tarmoqlariga to‘g‘ridan-to‘g‘ri ulanish huquqiga ega bo‘lmagan operatorlarga 2030 yil 1 yanvargacha o‘z tijorat ehtiyojlari uchun xalqaro Internet tarmoqlariga to‘g‘ridan-to‘g‘ri ulanishga ruxsat berildi.

Sinovda ishtirok etishni istagan telekommunikasiya operatori quyidagi shartlarga rioya qilishi lozim:

🔹 Ushbu qaror ilovasida keltirilgan Internet tarmoqlariga to‘g‘ridan-to‘g‘ri ulanish bo‘yicha vaqtinchalik talab va shartlarga amal qilishi;

🔹 "O‘zbekiston telekommunikasiya tarmoqlarini boshqarish respublika markazi" davlat unitar korxonasi (ishchi organ) bilan quyidagilarni o‘z ichiga olgan yozma kelishuvga erishishi shart:

• talab va shartlarning bajarilishi;

• amalga oshiriladigan monitoring;

• tomonlarning huquq va majburiyatlari;

• shartnoma shartlarini buzganlik uchun belgilangan choralar.