O‘zbekistonda tarovih namozi o‘qiladigan vaqtlar e’lon qilindi

O‘zbekiston musulmonlari idorasi 28 fevraldan hududlarda tarovih namozining boshlanish vaqtlarini e’lon qildi.

Mamlakatning 14 ta hududidagi masjidlarda tarovih namozining boshlanish vaqtlari:

• Farg‘ona – 20:20;
• Namangan – 20:20;
• Andijon – 20:20;
• Toshkent viloyati – 20:30;
• Toshkent shahri – 20:30;
• Sirdaryo – 20:30;
• Jizzax – 20:30;
• Samarqand – 20:30;
• Qashqadaryo – 20:40;
• Surxondaryo – 20:40;
• Navoiy – 20:40;
• Buxoro – 20:40;
• Xorazm – 21:00;
• Qoraqalpog‘iston Respublikasi – 21:10.

Tarovih namozi xufton namozidan so‘ng boshlanadi. Toshkent shahar IIBB ushbu namoz o‘qilishi munosabati bilan poytaxtning vaqtincha yopiladigan ko‘chalari ro‘yxatini e’lon qilgandi.

O‘zbekistonda ramazon oyi 1 mart, shanba kuni boshlanadi. Prezident qaroriga ko‘ra, ushbu oyda ehtiyojmandlar hamda ilm-ma’rifat yo‘lida izlanayotgan yoshlarga yordam berish bo‘yicha tashabbuslarni qo‘llab-quvvatlashga, atrof-muhitni asrash, muqaddas qadamjo, ziyoratgoh va qabristonlarni obodonlashtirish, ko‘chatlar ekishga hamda ramazon oyi bilan bog‘liq tadbirlarda me’yorga amal qilish va isrofgarchilikka yo‘l qo‘ymaslikka alohida e’tibor beriladi.